pari

bachpane kī yādoñ meñ

an-ginat fasāne haiñ

pattharoñ ke logoñ kā

ik shahr tilismātī

phir vo ek shahzādī

jis kī āñkheñ hiire sī

baal the sunahre se

aur vo qaaf kī pariyāñ

vo sabhī fasāne the

ham bhī dāstānoñ meñ

kāġhazī paroñ ke saath

ḳhushbūoñ kī vaadī meñ

ajnabī jazīroñ par

ḳhvāb ban ke uḌte the

vo parī ḳhayāloñ kī

koh-e-qāf kī guḌiyā

pattharoñ kī bastī meñ

mere ghar ke āñgan meñ

ek din utar aa.ī

us ne bhole-pan se jab

muskurā ke dekhā to

pattharoñ ke logoñ meñ

ruuh sī utar aa.ī

zindagī palaT aa.ī

bachpane ki yaadon mein

an-ginat fasane hain

pattharon ke logon ka

ek shahr tilismati

phir wo ek shahzadi

jis ki aankhen hire si

baal the sunahre se

aur wo qaf ki pariyan

wo sabhi fasane the

hum bhi dastanon mein

kaghazi paron ke sath

KHushbuon ki wadi mein

ajnabi jaziron par

KHwab ban ke uDte the

wo pari KHayalon ki

koh-e-qaf ki guDiya

pattharon ki basti mein

mere ghar ke aangan mein

ek din utar aai

us ne bhole-pan se jab

muskura ke dekha to

pattharon ke logon mein

ruh si utar aai

zindagi palaT aai