tariKH ka pahla bab

mujhe sikhāyā gayā hai

mere hī baap daadā ne aa ke is sar-zamīn ko nūr-e-'ilm-o-dānish 'atā kiyā

varna yaañ to har samt ghor-tārīkiyāñ thiiñ

ye sar-zamīñ ye dhartī mirā vatan

jis ke zarre zarre kī dil-farebī pe merī āñkheñ ḳhushī se

motī bikhertī haiñ

ye ūñche ūñche pahāḌ

aqdār-e-'āliya kī 'alāmateñ

ye ravāñ-davāñ narm rau sī naddī

nishān-e-tab'-e-ravāñ

ye ashjār ke ghane saa.e

god maañ kī

ye Dāliyāñ jhūmtī lahaktī

ḳhayāl ke narm narm halkore

lāla-o-gul

ye zindagī ke hasīn lamhoñ kī pattiyāñ

vo log aa.e

to un ke sar meñ 'uqāb the

jism naag the

dil the munjamid-ḳhūñ

inhīñ pahāḌoñ kī naddiyoñ ne vo un kī āñkhoñ kā ḳhuun dhoyā

isī zamīñ ne unheñ hasīñ chāñdnī 'atā kī

mirā ye jism is zamīñ kī miTTī

mire lahū meñ jo chāñdnī hai

vo is zamīñ ke shikam kī ātish ne mujh ko baḳhshī

mujhe sikhaya gaya hai

mere hi bap dada ne aa ke is sar-zamin ko nur-e-'ilm-o-danish 'ata kiya

warna yan to har samt ghor-tarikiyan thin

ye sar-zamin ye dharti mera watan

jis ke zarre zarre ki dil-farebi pe meri aankhen KHushi se

moti bikherti hain

ye unche unche pahaD

aqdar-e-'aliya ki 'alamaten

ye rawan-dawan narm rau si naddi

nishan-e-tab'-e-rawan

ye ashjar ke ghane sae

god man ki

ye Daliyan jhumti lahakti

KHayal ke narm narm halkore

lala-o-gul

ye zindagi ke hasin lamhon ki pattiyan

wo log aae

to un ke sar mein 'uqab the

jism nag the

dil the munjamid-KHun

inhin pahaDon ki naddiyon ne wo un ki aankhon ka KHun dhoya

isi zamin ne unhen hasin chandni 'ata ki

mera ye jism is zamin ki miTTi

mere lahu mein jo chandni hai

wo is zamin ke shikam ki aatish ne mujh ko baKHshi