waqt ki piTh par
vaqt kī piiTh par
kachche lamhoñ ke dhāgoñ meñ lipTā huā
shahr kī sīḌhiyoñ par saraktā huā
nit na.e
ḳhud-kushī ke tarīqoñ kā mūjid banā
habshī rātoñ ke jañgal meñ bikhrī huī
lams kī haDDiyāñ
chun rahā huuñ na jaane maiñ kis ke liye
jab mire naam ke lafz tanhā the logo
tumheñ surḳh hoñToñ kī ḳhairāt
kaise milī ye batāo
refrigerator meñ rakkhī huī tashtarī meñ
mirī donoñ āñkheñ barahna paḌī thiiñ
vahāñ tak kisī ḳhvāb ke haath pahuñche nahīñ
kabūtar kī āñkhoñ meñ
TuuTe hue āsmānoñ kā tanazzul na dekho
badan ke shikasta khañDar se nikal bhāgne ke liye phir
tumhārī madad kī zarūrat hai mujh ko
waqt ki piTh par
kachche lamhon ke dhagon mein lipTa hua
shahr ki siDhiyon par sarakta hua
nit nae
KHud-kushi ke tariqon ka mujid bana
habshi raaton ke jangal mein bikhri hui
lams ki haDDiyan
chun raha hun na jaane main kis ke liye
jab mere nam ke lafz tanha the logo
tumhein surKH honTon ki KHairaat
kaise mili ye batao
refrigerator mein rakkhi hui tashtari mein
meri donon aankhen barahna paDi thin
wahan tak kisi KHwab ke hath pahunche nahin
kabutar ki aankhon mein
TuTe hue aasmanon ka tanazzul na dekho
badan ke shikasta khanDar se nikal bhagne ke liye phir
tumhaari madad ki zarurat hai mujh ko
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
