kirdar

ham abhī istāda the

ab se kuchh pahle

vafā ke farsh-e-pāyanda pe

ḳhush-vaqtī ke rangīñ shāmiyānoñ ke tale

apne hāthoñ meñ

qarār-o-qaul kī sham'eñ liye

āñdhiyoñ meñ zalzaloñ meñ

tā-qayāmat saath dene ke liye āmāda the

ik dūsre ke kis qadar dil-dāda the

dekhne vāloñ meñ shāmil

yaar bhī aġhyār bhī

chand āñkhoñ meñ namī

chand āñkhoñ meñ hiqārat barhamī

chand āñkhoñ meñ sukūt-e-dā.imī

jam gaye saa.e udhar

aur kaañp uTThī is taraf dīvār bhī

dushmanoñ ko bhī yaqīñ

aur bad-gumāñ kuchh ham-nashīñ ġham-ḳhvār bhī

dekhne vāloñ ne dekhā

kis tarah sadiyāñ achānak sāniyoñ meñ baT ga.iiñ

shāmiyānoñ kī tanābeñ kaT ga.iiñ

farsh-e-pāyanda-o-marmar kī sileñ bhī phaT ga.iiñ

aur vo paikar

ḳhud apne aap

ḳhuuñ meñ tar-ba-tar

ḳhaak par uftāda the

ham abhī istāda the

hum abhi istada the

ab se kuchh pahle

wafa ke farsh-e-payanda pe

KHush-waqti ke rangin shamiyanon ke tale

apne hathon mein

qarar-o-qaul ki sham'en liye

aandhiyon mein zalzalon mein

ta-qayamat sath dene ke liye aamada the

ek dusre ke kis qadar dil-dada the

dekhne walon mein shamil

yar bhi aghyar bhi

chand aankhon mein nami

chand aankhon mein hiqarat barhami

chand aankhon mein sukut-e-daimi

jam gaye sae udhar

aur kanp uTThi is taraf diwar bhi

dushmanon ko bhi yaqin

aur bad-guman kuchh ham-nashin gham-KHwar bhi

dekhne walon ne dekha

kis tarah sadiyan achanak saniyon mein baT gain

shamiyanon ki tanaben kaT gain

farsh-e-payanda-o-marmar ki silen bhi phaT gain

aur wo paikar

KHud apne aap

KHun mein tar-ba-tar

KHak par uftada the

hum abhi istada the