hawa
aisā kahāñ dekhā thā pahle mausam kā byohār
pal ke pal meñ miT jaatā hai hañstā bastā gaañv
ret-gharauñde kī sūrat uḌ jaatā hai ghar-bār
qātil ban kar mañDlātī hai apnī chhat kī Tiin
apne jigar meñ gaḌ jaatā hai apnā hī shahtīr
zaḳhmī kar dete haiñ tan ko apne ḳhas-o-ḳhāshāk
palak jhapakte ho jaate haiñ malboñ meñ madfūn
naġhma ḳhushbū koñpal mamtā chāhat pyaar siñgār
aisā kahāñ dekhā thā pahle tum ne havā kā rang
ḳhush-bū kī kabhī lahr kabhī hai teġh kī dhaar havā
kabhī piñgorā aur kabhī hai taḳhta-e-dār havā
jaise kisī pāgal hāthī kā āla-e-kār havā
jaise mahā-kālī ke ruup kā hai autār havā
aisa kahan dekha tha pahle mausam ka byohaar
pal ke pal mein miT jata hai hansta basta ganw
ret-gharaunde ki surat uD jata hai ghar-bar
qatil ban kar manDlati hai apni chhat ki Tin
apne jigar mein gaD jata hai apna hi shahtir
zaKHmi kar dete hain tan ko apne KHas-o-KHashak
palak jhapakte ho jate hain malbon mein madfun
naghma KHushbu konpal mamta chahat pyar singar
aisa kahan dekha tha pahle tum ne hawa ka rang
KHush-bu ki kabhi lahr kabhi hai tegh ki dhaar hawa
kabhi pingora aur kabhi hai taKHta-e-dar hawa
jaise kisi pagal hathi ka aala-e-kar hawa
jaise maha-kali ke rup ka hai autar hawa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
