mohabbat ka paradox

mujhe us kī mohabbat ne bahut uljhan meñ Daalā hai

mujhe ik din kahā us ne

badal kar 'ādateñ apnī

maiñ ab mahsūs kartā huuñ

jo maiñ thā ab nahīñ huuñ maiñ

nayā ik shaḳhs huuñ ab maiñ

batāo kyā vahī huuñ maiñ

agar maiñ huuñ vahī to phir ḳhushī to bojh thī mujh par

magar maiñ muskurātā huuñ

mohabbat thī kitāboñ se

kitābeñ ab nahīñ paḌhtā

agar maiñ vo nahīñ huuñ to pukārā jā rahā huuñ kyoñ

purāne naam se ab bhī

mire naqsh-o-nigār ab bhī

mire hamnām jaise haiñ

bahut uljhan meñ Daalā hai mujhe us kī mohabbat ne

kabhī bhī hal nahīñ hogā

mohabbat kā ye paradox

mujhe us ki mohabbat ne bahut uljhan mein Dala hai

mujhe ek din kaha us ne

badal kar 'adaten apni

main ab mahsus karta hun

jo main tha ab nahin hun main

naya ek shaKHs hun ab main

batao kya wahi hun main

agar main hun wahi to phir KHushi to bojh thi mujh par

magar main muskuraata hun

mohabbat thi kitabon se

kitaben ab nahin paDhta

agar main wo nahin hun to pukara ja raha hun kyon

purane nam se ab bhi

mere naqsh-o-nigar ab bhi

mere hamnam jaise hain

bahut uljhan mein Dala hai mujhe us ki mohabbat ne

kabhi bhi hal nahin hoga

mohabbat ka ye paradox