ujDe hue sahilon ki kahani

maiñ bikhartī chaap huuñ

aur sāhiloñ se lauT kar aatī sadāoñ ko sunā kartā huuñ

lekin kyāriyāñ piile gulāboñ kī mahaktī haiñ

to tum se kuchh nahīñ kahtā zarā sā muskurātā huuñ

ki tum mujh se kaho merī kahānī aur maiñ suntā hī jā.ūñ

lafz ban kar sāmne aa.uuñ

ki jis ko tum bhulā detī ho aksar

aur mujh se pūchhtī ho ajnabī ban kar

sadā.eñ biit jaatī haiñ

kahānī biit jā.egī

magar ik chaap hai

jo shab kī gahrī sard tanhā.ī meñ saare shahr

kī galiyoñ meñ phirtī hai

main bikharti chap hun

aur sahilon se lauT kar aati sadaon ko suna karta hun

lekin kyariyan pile gulabon ki mahakti hain

to tum se kuchh nahin kahta zara sa muskuraata hun

ki tum mujh se kaho meri kahani aur main sunta hi jaun

lafz ban kar samne aaun

ki jis ko tum bhula deti ho aksar

aur mujh se puchhti ho ajnabi ban kar

sadaen bit jati hain

kahani bit jaegi

magar ek chap hai

jo shab ki gahri sard tanhai mein sare shahr

ki galiyon mein phirti hai