nazm

ham udaas laḌkoñ se kaun pūchhne aa.e

din kahāñ guzartā hai

raat kaise kaTtī hai

dopahar meñ jalte ho

shaam kaisī lagtī hai

ḳhvāb kis ko kahte haiñ

niiñd kaisī hotī hai

ham udaas laḌkoñ se kaun pūchhne aa.e

sab se kyuuñ nahīñ milte

rah rahe ho kyuuñ tanhā

chāhiye tumheñ āḳhir

ghar kā kyuuñ vahī kamra

jis meñ chāhne par bhī

jī kabhī nahīñ lagtā

ham udaas laḌkoñ se kaun pūchhne aa.e

kis kī yaad meñ gum ho

kaise zaḳhm siite ho

bhuuk kyuuñ nahīñ lagtī

aise kaise jiite ho

kitnī cigareteñ din meñ

kitnī chaa.e piite ho

ham udaas laḌkoñ se kaun pūchhne aa.e

aur jab nahīñ koī pūchhtā

to ye laḌke

gir ke gahre paanī meñ yā to phuul jaate haiñ

ḳhud-kushī kī chaukhaT par ḳhud ko bhuul jaate haiñ

chuum kar koī rassī us pe jhuul jaate haiñ

in udaas laḌkoñ kā

aise ant hotā hai

aise ant se pahle

in udaas laḌkoñ kā

haath thaam lo yaaro

aur lagāo siine se

aur phir kaho in se

aap ye qarīne se

mushkileñ to hal hoñgī

zindagī ko jiine se

ho gayā jo honā thā

tum jiyā karo pyāre

kyā udaas rahte ho

mat rahā karo pyāre

hum udas laDkon se kaun puchhne aae

din kahan guzarta hai

raat kaise kaTti hai

dopahar mein jalte ho

sham kaisi lagti hai

KHwab kis ko kahte hain

nind kaisi hoti hai

hum udas laDkon se kaun puchhne aae

sab se kyun nahin milte

rah rahe ho kyun tanha

chahiye tumhein aaKHir

ghar ka kyun wahi kamra

jis mein chahne par bhi

ji kabhi nahin lagta

hum udas laDkon se kaun puchhne aae

kis ki yaad mein gum ho

kaise zaKHm site ho

bhuk kyun nahin lagti

aise kaise jite ho

kitni cigareten din mein

kitni chae pite ho

hum udas laDkon se kaun puchhne aae

aur jab nahin koi puchhta

to ye laDke

gir ke gahre pani mein ya to phul jate hain

KHud-kushi ki chaukhaT par KHud ko bhul jate hain

chum kar koi rassi us pe jhul jate hain

in udas laDkon ka

aise ant hota hai

aise ant se pahle

in udas laDkon ka

hath tham lo yaro

aur lagao sine se

aur phir kaho in se

aap ye qarine se

mushkilen to hal hongi

zindagi ko jine se

ho gaya jo hona tha

tum jiya karo pyare

kya udas rahte ho

mat raha karo pyare