KHalwat

mujhe tum apnī bāñhoñ meñ jakaḌ lo aur maiñ tum ko

kisī bhī dil-kushā jazbe se yaksar nā-shanāsāna

nashāt-e-rañg kī sarshārī-e-hālat se begāna

mujhe tum apnī bāñhoñ meñ jakaḌ lo aur maiñ tum ko

fusūñ-kārā nigārā nau-bahārā ārzū-ārā

bhalā lamhoñ kā merī aur tumhārī ḳhvāb-parvar

ārzū-mandī kī sarshārī se kyā rishta

hamārī bāhamī yādoñ kī dildārī se kyā rishta

mujhe tum apnī bāñhoñ meñ jakaḌ lo aur maiñ tum ko

yahāñ ab tīsrā koī nahīñ ya.anī mohabbat bhī

mujhe tum apni banhon mein jakaD lo aur main tum ko

kisi bhi dil-kusha jazbe se yaksar na-shanasana

nashat-e-rang ki sarshaari-e-haalat se begana

mujhe tum apni banhon mein jakaD lo aur main tum ko

fusun-kara nigara nau-bahaara aarzu-ara

bhala lamhon ka meri aur tumhaari KHwab-parwar

aarzu-mandi ki sarshaari se kya rishta

hamari bahami yaadon ki dildari se kya rishta

mujhe tum apni banhon mein jakaD lo aur main tum ko

yahan ab tisra koi nahin yani mohabbat bhi