ghar

ghar jahāñ gūñjtī hai kilkārī

ghar jahāñ kheltī hai vo pyārī

ghar jahāñ shāntī hai chain bhī hai

ghar jahāñ 'aks-e-nūr-e-'ain bhī hai

ghar jahāñ pālne meñ hai bachpan

ghar jahāñ zindagī hai ik darpan

ghar jahāñ ḳhushbuoñ kā Derā hai

ghar jahāñ har gulāb merā hai

ghar jahāñ raushnī barastī hai

ghar jahāñ rang-e-kaif-o-mastī hai

ghar jahāñ har ḳhushī mayassar hai

ghar jahāñ ruuh tak mo'attar hai

ghar jahāñ vāldain rahte haiñ

ghar jahāñ pyaar dhāre bahte haiñ

ghar jahāñ muskurā.eñ bhaa.ī bahan

ghar jahāñ duur ho har ek thakan

ghar jahāñ ġham ḳhushī meñ Dhal jaa.e

ghar jahāñ ġham kā dam nikal jaa.e

ghar jahāñ ke liye kamāyā jaa.e

ghar jahāñ jā ke phir na aayā jaa.e

ghar jahan gunjti hai kilkari

ghar jahan khelti hai wo pyari

ghar jahan shanti hai chain bhi hai

ghar jahan 'aks-e-nur-e-'ain bhi hai

ghar jahan palne mein hai bachpan

ghar jahan zindagi hai ek darpan

ghar jahan KHushbuon ka Dera hai

ghar jahan har gulab mera hai

ghar jahan raushni barasti hai

ghar jahan rang-e-kaif-o-masti hai

ghar jahan har KHushi mayassar hai

ghar jahan ruh tak mo'attar hai

ghar jahan waldain rahte hain

ghar jahan pyar dhaare bahte hain

ghar jahan muskuraen bhai bahan

ghar jahan dur ho har ek thakan

ghar jahan gham KHushi mein Dhal jae

ghar jahan gham ka dam nikal jae

ghar jahan ke liye kamaya jae

ghar jahan ja ke phir na aaya jae