wada
bhaTak rahe haiñ farāmoshiyoñ ke kohre meñ
diloñ meñ yād-e-shab-e-gum-shuda jagā.e hue
sulagte bujhte hue duur aas ke jugnū
tumhārī raah meñ kab se huuñ maiñ sitāra-ba-kaf
mohabbatoñ ke zamāne kā bojh uThā.e hue
ġhalat na samjho mire ġham kā e'tibār karo
ghanerī shaam jahāñ donoñ vaqt milte hoñ
shafaq ke ziine pe tum merā intizār karo
bhaTak rahe hain faramoshiyon ke kohre mein
dilon mein yaad-e-shab-e-gum-shuda jagae hue
sulagte bujhte hue dur aas ke jugnu
tumhaari rah mein kab se hun main sitara-ba-kaf
mohabbaton ke zamane ka bojh uThae hue
ghalat na samjho mere gham ka e'tibar karo
ghaneri sham jahan donon waqt milte hon
shafaq ke zine pe tum mera intizar karo
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
