harf-e-mukarrar

shaam par shām-e-abad kā hai gumāñ dekho to

koī hai koī nahīñ koī nahīñ koī nahīñ

kyā abhī ghūmtī hai mehr ke atrāf zamīñ

nuur āñkhoñ kā muqaddar hai sunā thā maiñ ne

lab ko iz.hār kī me'rāj samajh baiThā thā

ek dhaḌkan thī ki jis par thā mujhe dil kā fareb

sar ko ḳhākam-ba-dahan taaj samajh baiThā thā

kaun paḌh paa.e mujhe kis kā guzar hogā idhar

shabnam-o-āb se likkhā huā ik katba huuñ

apnī hī qabr kā jarūb-kash-e-tanhā huuñ

sham par sham-e-abad ka hai guman dekho to

koi hai koi nahin koi nahin koi nahin

kya abhi ghumti hai mehr ke atraf zamin

nur aankhon ka muqaddar hai suna tha main ne

lab ko izhaar ki me'raj samajh baiTha tha

ek dhaDkan thi ki jis par tha mujhe dil ka fareb

sar ko KHakam-ba-dahan taj samajh baiTha tha

kaun paDh pae mujhe kis ka guzar hoga idhar

shabnam-o-ab se likkha hua ek katba hun

apni hi qabr ka jarub-kash-e-tanha hun