munafiq
chalo ham munāfiq kī sāzish se
mahfūz rahne kī tadbīr sochīñ
ye īzā-rasāñ
apnī fitrat se
majbūr ho kar
kabhī vaar karte nahīñ sāmne se
ye apne lahū meñ
jarāsīm makkāriyoñ ke liye
ghūmte haiñ
laboñ par sajā.e tabassum ke dīpak
ye dil meñ utarne ke fan se
ba-ḳhūbī haiñ vāqif
munāfiq kī sāzish se
mahfūz rahne kī tadbīr ye hai
munāfiq ko ham dost hargiz na apnā banā.eñ
munāfiq kabhī dost
hotā nahīñ hai kisī kā
chalo hum munafiq ki sazish se
mahfuz rahne ki tadbir sochin
ye iza-rasan
apni fitrat se
majbur ho kar
kabhi war karte nahin samne se
ye apne lahu mein
jarasim makkariyon ke liye
ghumte hain
labon par sajae tabassum ke dipak
ye dil mein utarne ke fan se
ba-KHubi hain waqif
munafiq ki sazish se
mahfuz rahne ki tadbir ye hai
munafiq ko hum dost hargiz na apna banaen
munafiq kabhi dost
hota nahin hai kisi ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
