aadab-e-safar

hasīñ laḌkiyāñ daf bajātī huī

kahīñ duur pas-manzaroñ meñ khajūroñ ke bāġhāt phaile hue

vo abul-haul aur niil to sab bahut duur haiñ

ham havannaq se sahrā meñ

sahrā.iyoñ ke jilau meñ safar kar rahe haiñ

safar kī thakan se hamāre qadam Dagmagāne lage haiñ

safar ek paanī ke pyāle meñ jaise simaT sā gayā hai

abhī nabz-e-daurāñ meñ yūñhī tirī saañs kī dhoñknī chal paḌegī

suno us ghaḌī bas yahī soch lenā

ta’affun-zada āb-e-sāda kī chhāgal

kisī shaḳhs kī jaan se qīmtī hai

hasin laDkiyan daf bajati hui

kahin dur pas-manzaron mein khajuron ke baghat phaile hue

wo abul-haul aur nil to sab bahut dur hain

hum hawannaq se sahra mein

sahraiyon ke jilau mein safar kar rahe hain

safar ki thakan se hamare qadam Dagmagane lage hain

safar ek pani ke pyale mein jaise simaT sa gaya hai

abhi nabz-e-dauran mein yunhi teri sans ki dhonkni chal paDegi

suno us ghaDi bas yahi soch lena

ta’affun-zada aab-e-sada ki chhagal

kisi shaKHs ki jaan se qimti hai