safar ka dukh

hameñ ilzām mat denā

hameñ taslīm hai gardish safar kī

ik tamāshā thī

kabhī tum se mile hote

tumhāre 'ilm se zehnoñ ko apne jagmagā lete

vagarna tum ko bhī apne safar meñ saath le lete

to nazroñ meñ tumhārī

ham bhī kuchh mumtāz ho jaate

magar ye hosh hī kab thā

ragoñ meñ garm lazzat sarsarātī thī

nirāle rāste ham ko bulāte the

hameñ mā'lūm hai ham bhī anokhe the

tamāshā ban ga.e hoñge

tamāshā ban ga.e hoñge!!

hamein ilzam mat dena

hamein taslim hai gardish safar ki

ek tamasha thi

kabhi tum se mile hote

tumhaare 'ilm se zehnon ko apne jagmaga lete

wagarna tum ko bhi apne safar mein sath le lete

to nazron mein tumhaari

hum bhi kuchh mumtaz ho jate

magar ye hosh hi kab tha

ragon mein garm lazzat sarsaraati thi

nirale raste hum ko bulate the

hamein ma'lum hai hum bhi anokhe the

tamasha ban gae honge

tamasha ban gae honge!!