dur ke manazir
tū apne ḳhol se bāhar nikal
aur dekh
an-dekhe manāzir kī ye haibatnāk 'uryānī
havā ke pairahan meñ
ghuum jā chāroñ dishāoñ meñ
na kar mahsūs kuchh bas dekhtā jā
aur bikhere jā
tū apnī ruuh ke jalve ḳhalāoñ meñ
tire sar par samundar haiñ
tire paaoñ se Takrātī huī banjar zamīneñ haiñ
tire siine meñ sūraj hāñpte haiñ
aur āñkhoñ meñ
hai nashsha garm rātoñ kā
tū apne ḳhol se bāhar nikal
aur in ḳhalāoñ meñ
tū hañstā gungunātā chal
havā ke saath bahtā chal
tu apne KHol se bahar nikal
aur dekh
an-dekhe manazir ki ye haibatnak 'uryani
hawa ke pairahan mein
ghum ja chaaron dishaon mein
na kar mahsus kuchh bas dekhta ja
aur bikhere ja
tu apni ruh ke jalwe KHalaon mein
tere sar par samundar hain
tere paon se Takraati hui banjar zaminen hain
tere sine mein suraj hanpte hain
aur aankhon mein
hai nashsha garm raaton ka
tu apne KHol se bahar nikal
aur in KHalaon mein
tu hansta gungunata chal
hawa ke sath bahta chal
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
