mazi

qismat kā kab apnī ronā rote the

jeb meñ bas do chaar hī sikke hote the

laTkan par Theloñ meñ paanī hotā thā

soñdhī miTTī vaale āñgan hote the

āñgan meñ chhoTī sī kyārī hotī thī

jis meñ belā aur chañbelī hote the

khaprailoñ kā sar pe saaya hotā thā

darvāze par TaaT ke parde hote the

bāñdhoñ vaale khurre palañg par ai 'najmī'

paaoñ pasāre shab bhar chain se sote the

qismat ka kab apni rona rote the

jeb mein bas do chaar hi sikke hote the

laTkan par Thelon mein pani hota tha

sondhi miTTi wale aangan hote the

aangan mein chhoTi si kyari hoti thi

jis mein bela aur chanbeli hote the

khaprailon ka sar pe saya hota tha

darwaze par TaT ke parde hote the

bandhon wale khurre palang par ai 'najmi'

paon pasare shab bhar chain se sote the