Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تیرے خوشبو میں بسے خط

راجندر ناتھ رہبر

تیرے خوشبو میں بسے خط

راجندر ناتھ رہبر

پیار کی آخری پونجی بھی لٹا آیا ہوں

اپنی ہستی کو بھی لگتا ہے مٹا آیا ہوں

عمر بھر کی جو کمائی تھی گنوا آیا ہوں

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

تو نے لکھا تھا جلا دوں میں تری تحریریں

تو نے چاہا تھا جلا دوں میں تری تصویریں

سوچ لیں میں نے مگر اور ہی کچھ تدبیریں

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

تیرے خوشبو میں بسے خط میں جلاتا کیسے

پیار میں ڈوبے ہوئے خط میں جلاتا کیسے

تیرے ہاتھوں کے لکھے خط میں جلاتا کیسے

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

جن کو دنیا کی نگاہوں سے چھپائے رکھا

جن کو اک عمر کلیجے سے لگائے رکھا

دین جن کو جنہیں ایمان بنائے رکھا

جن کا ہر لفظ مجھے یاد ہے پانی کی طرح

یاد تھے مجھ کو جو پیغام زبانی کی طرح

مجھ کو پیارے تھے جو انمول نشانی کی طرح

تو نے دنیا کی نگاہوں سے جو بچ کر لکھے

سالہا سال مرے نام برابر لکھے

کبھی دن میں تو کبھی رات کو اٹھ کر لکھے

تیرے رومال ترے خط ترے چھلے بھی گئے

تیری تصویریں ترے شوخ لفافے بھی گئے

ایک یگ ختم ہوا یگ کے فسانے بھی گئے

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

کتنا بے چین انہیں لینے کو گنگا جل تھا

جو بھی دھارا تھا انہیں کے لیے وہ بے کل تھا

پیار اپنا بھی تو گنگا کی طرح نرمل تھا

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

ویڈیو
This video is playing from YouTube

Videos
This video is playing from YouTube

جگجیت سنگھ

جگجیت سنگھ

RECITATIONS

راجندر ناتھ رہبر

راجندر ناتھ رہبر,

00:00/00:00
راجندر ناتھ رہبر

تیرے خوشبو میں بسے خط راجندر ناتھ رہبر

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

بولیے