manzar manzar
chāñdnī vo 'aurat hai
jo khule makānoñ kī
chhat pe muskurātī hai
dhuup vo hasīna hai
jis kā sabz āñchal hai
phuul jis ke gahne haiñ
giit jo sunātī hai
jaane kitne lamhoñ ne
ḳhvāb se dikhā.e haiñ
she'r se sunā.e haiñ
zindagī ke lamhoñ meñ
kaise ḳhvāb dekhegā
ek peḌ nangā hai
ek peḌ pyāsā hai
ek peḌ tanhā hai
kaise ḳhvāb dekhegā
ik sadā sī aatī hai
dhuup vo hasīna ab
jism-o-jāñ jalātī hai
chāñdnī vo beva hai
mujh ko jo rulātī hai
raat ik bayābāñ hai
niiñd kis ko aatī hai
chandni wo 'aurat hai
jo khule makanon ki
chhat pe muskuraati hai
dhup wo hasina hai
jis ka sabz aanchal hai
phul jis ke gahne hain
git jo sunati hai
jaane kitne lamhon ne
KHwab se dikhae hain
she'r se sunae hain
zindagi ke lamhon mein
kaise KHwab dekhega
ek peD nanga hai
ek peD pyasa hai
ek peD tanha hai
kaise KHwab dekhega
ek sada si aati hai
dhup wo hasina ab
jism-o-jaan jalati hai
chandni wo bewa hai
mujh ko jo rulati hai
raat ek bayaban hai
nind kis ko aati hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
