ham-zad
raat vīrān hai
mere dil kī tarah raat kā koī sāthī nahīñ
jo kisī vaqt shāne pe ehsās kā haath rakh kar kahe
ḳhasta-dil mat bano zindagī kā safar itnā mushkil nahīñ jitnā samjhe ho tum
kitne bhole ho tum
raat vīrān hai
ye mirī aañkh meñ phailte be-had-o-be-bahā dasht kā 'aks hai
raat kī god meñ raakh kartī huī be-kalī kā añdherā hai aur maut kā raqs hai
raat vīrān hai
us ke pahlū meñ mere aziyyat-zada āñsuoñ kī tarah
dil jalāte hue karb aur be-kalī ke sivā kuchh nahīñ
is udāsī ke manzar meñ maiñ huuñ yā ā'sāb ko toḌtī raat hai
raat viran hai
mere dil ki tarah raat ka koi sathi nahin
jo kisi waqt shane pe ehsas ka hath rakh kar kahe
KHasta-dil mat bano zindagi ka safar itna mushkil nahin jitna samjhe ho tum
kitne bhole ho tum
raat viran hai
ye meri aankh mein phailte be-had-o-be-baha dasht ka 'aks hai
raat ki god mein rakh karti hui be-kali ka andhera hai aur maut ka raqs hai
raat viran hai
us ke pahlu mein mere aziyyat-zada aansuon ki tarah
dil jalate hue karb aur be-kali ke siwa kuchh nahin
is udasi ke manzar mein main hun ya aa'sab ko toDti raat hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
