chup raho bolo nahin

chup raho bolo nahīñ

lafz hī to ehtajājī silsile kā nuqta-e-āġhāz hai

dard kī āvāz hai

bas isī meñ 'āfiyat hai

chup raho

bolnā

aur vo bhī sach sach bolnā

kaun sī dānish-varī hai

kis jahāñ kī sarvarī tum ko milegī

kis fusūn-e-shahr se chāragarī tum ko milegī

vaqt kī tīra-shabī se kaun bach paayā yahāñ

masnad-o-qālīñ sajā.e kaun baiThā hai yahāñ

zindagī hai kār-gāh-e-shīshagar

sāhab-e-'aql-o-ḳhirad yā momin-o-darvesh-o-sālik

dasht-o-hujra meñ panāheñ DhūñDte haiñ

bolnā kam hai 'ibādat

ḳhāmushī meñ rāz-e-hastī kā surāġh

jis tarah sandūqche meñ zindagī ik

sat.h-e-dariyā par rahī mahv-e-ḳhirām

koh-o-sahrā gulsitān-o-bostāñ

tāqche meñ 'ishq kā maarā charāġh

be-sabātī se sarāsīma magar ḳhāmosh hai

chup raho bolo nahin

lafz hi to ehtajaji silsile ka nuqta-e-aghaz hai

dard ki aawaz hai

bas isi mein 'afiyat hai

chup raho

bolna

aur wo bhi sach sach bolna

kaun si danish-wari hai

kis jahan ki sarwari tum ko milegi

kis fusun-e-shahr se chaaragari tum ko milegi

waqt ki tira-shabi se kaun bach paya yahan

masnad-o-qalin sajae kaun baiTha hai yahan

zindagi hai kar-gah-e-shishagar

sahab-e-'aql-o-KHirad ya momin-o-darwesh-o-salik

dasht-o-hujra mein panahen DhunDte hain

bolna kam hai 'ibaadat

KHamushi mein raaz-e-hasti ka suragh

jis tarah sanduqche mein zindagi ek

sath-e-dariya par rahi mahw-e-KHiram

koh-o-sahra gulsitan-o-bostan

taqche mein 'ishq ka mara charagh

be-sabaati se sarasima magar KHamosh hai