shatranj ki bisat
Interesting Fact
Instresring Facts: A poem inspired by Javed Akhtar’s poem “Yeh Khel Kya Hai”
siyāh ḳhānoñ safed ḳhānoñ
meñ rakkhe mohroñ
ko dekh kar maiñ ye sochtā huuñ
piyāde ghoḌe ye uuñT hāthī vazīr raajā
ye kis ke mohre haiñ
kaun in ko chalā rahā hai
dimāġh kis kā hai kaun mohroñ ko kāTtā hai
agar kahūñ do khilāḌiyoñ kī hai ek baazī
do haath jo phir bisāt par haiñ
basī huī hai har ek mohre kī jaan un meñ
savāl ye hai ye log jo haiñ ye chaal az-ḳhud hī chal rahe haiñ
yā phir haqīqat kuchh aur hī hai
jo dikh rahā hai fareb hai ye
koī to in ko chalā rahā hai
ye ḳhud haiñ mohre kisī ke shāyad
kisī ke hāthoñ kī jumbishoñ meñ hai jaan in kī bhī qaid shāyad
savāl ab bhī vahī hai merā
ye kis ke mohre haiñ
kaun in ko chalā rahā hai
siyah KHanon safed KHanon
mein rakkhe mohron
ko dekh kar main ye sochta hun
piyaade ghoDe ye unT hathi wazir raja
ye kis ke mohre hain
kaun in ko chala raha hai
dimagh kis ka hai kaun mohron ko kaTta hai
agar kahun do khilaDiyon ki hai ek bazi
do hath jo phir bisat par hain
basi hui hai har ek mohre ki jaan un mein
sawal ye hai ye log jo hain ye chaal az-KHud hi chal rahe hain
ya phir haqiqat kuchh aur hi hai
jo dikh raha hai fareb hai ye
koi to in ko chala raha hai
ye KHud hain mohre kisi ke shayad
kisi ke hathon ki jumbishon mein hai jaan in ki bhi qaid shayad
sawal ab bhi wahi hai mera
ye kis ke mohre hain
kaun in ko chala raha hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
