dusra ruKH

jhoñkā galī ke moḌ se niklā to daf'atan

pīpal kī ek shāḳh ke patte ulaT ga.e

pattoñ ko sāmne se to dekhā hazār baar

lekin is inqalāb kī mujh ko ḳhabar na thī

ik ruḳh se dekhiye to faqat ek rang hai

lekin ik aur rang bhī hai māvarā-e-rang

jis kā surāġh sirf unhī ko milā jinheñ

mauj-e-havā ke dast-e-rasā kā shu'ūr hai

insān ho ḳhudā ho haqīqat ho yā gumāñ

mahsūs ho rahā hai ki ik ruḳh pe haiñ ravāñ

lekin havā kī zad meñ jab aatī hai un kī zaat

ik aur ruḳh pe ghūmne lagtī hai kā.ināt

jhonka gali ke moD se nikla to daf'atan

pipal ki ek shaKH ke patte ulaT gae

patton ko samne se to dekha hazar bar

lekin is inqalab ki mujh ko KHabar na thi

ek ruKH se dekhiye to faqat ek rang hai

lekin ek aur rang bhi hai mawara-e-rang

jis ka suragh sirf unhi ko mila jinhen

mauj-e-hawa ke dast-e-rasa ka shu'ur hai

insan ho KHuda ho haqiqat ho ya guman

mahsus ho raha hai ki ek ruKH pe hain rawan

lekin hawa ki zad mein jab aati hai un ki zat

ek aur ruKH pe ghumne lagti hai kainat