lori
nanhe nanhe hāthoñ se
māñgte ho kyā mujh se
nīm-vā dahan jaise
koī adh-khilā ġhuncha
mujh meñ DhūñDtā kyā hai
jism meñ tumhāre kyuuñ
merī ruuh khiñch aa.ī
mujh se kaisā rishta hai
kuchh bhī ho magar mujh ko
zindagī se pyāre ho
tum to vo masarrat ho
jis ko maiñ tarastī thī
maiñ ne jo nahīñ paa.ī
tum meñ aa gayā shāyad
husn merī hasrat kā
aarzū kī rā'nā.ī
tum ko dekh kar vo bhī
aañkh meñ liye hairat
faḳhr se masarrat se
muskurāne lagtā hai
tum meñ log pā.eñge
sabt kokh par merī
us ke pyaar kā bosa
aaj dekh le duniyā
kitnā ḳhūb-sūrat hai
mere dard kā ġhuncha
merī aañkh kā aañsū
mere ḳhuun kā qatra
tū jo muskurā.egā
sab dukhan bhulā dūñgī
ziist kī ḳhalish le kar
maiñ bhī muskurā dūñgī
nanhe nanhe hathon se
mangte ho kya mujh se
nim-wa dahan jaise
koi adh-khila ghuncha
mujh mein DhunDta kya hai
jism mein tumhaare kyun
meri ruh khinch aai
mujh se kaisa rishta hai
kuchh bhi ho magar mujh ko
zindagi se pyare ho
tum to wo masarrat ho
jis ko main tarasti thi
main ne jo nahin pai
tum mein aa gaya shayad
husn meri hasrat ka
aarzu ki ra'nai
tum ko dekh kar wo bhi
aankh mein liye hairat
faKHr se masarrat se
muskurane lagta hai
tum mein log paenge
sabt kokh par meri
us ke pyar ka bosa
aaj dekh le duniya
kitna KHub-surat hai
mere dard ka ghuncha
meri aankh ka aansu
mere KHun ka qatra
tu jo muskuraega
sab dukhan bhula dungi
zist ki KHalish le kar
main bhi muskura dungi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
