pyas

abhī ruḳhsat hue mil baiTh ke hañs bol ke tum

phir vahī yaad vahī diid kī hasrat vahī pyaas

ye mirī gūñjtī tanhā.ī ye merā ban-bās

tum mirā raaz ho sāñsoñ meñ raho dil meñ baso

tum mirā giit ho har saaz pe gā lūñgā tumheñ

roz khotā huuñ magar mehr-e-jahāñ-tāb kī tarh

ki dam-e-sub.h dar-o-bām pe pā lūñgā tumheñ

ab jo dekhūñgā to bas dekhtā rah jā.ūñgā

ab miloge to nigāhoñ meñ chhupā lūñgā tumheñ

jān-e-shā'ir tumheñ ab tak nahīñ dekhā maiñ ne

aañkh bhar kar tumheñ ab tak nahīñ dekhā maiñ ne

DabDabā.ī huī āñkhoñ se ye mumkin bhī na thā

abhi ruKHsat hue mil baiTh ke hans bol ke tum

phir wahi yaad wahi did ki hasrat wahi pyas

ye meri gunjti tanhai ye mera ban-bas

tum mera raaz ho sanson mein raho dil mein baso

tum mera git ho har saz pe ga lunga tumhein

roz khota hun magar mehr-e-jahan-tab ki tarh

ki dam-e-subh dar-o-baam pe pa lunga tumhein

ab jo dekhunga to bas dekhta rah jaunga

ab miloge to nigahon mein chhupa lunga tumhein

jaan-e-sha'ir tumhein ab tak nahin dekha main ne

aankh bhar kar tumhein ab tak nahin dekha main ne

DabDabai hui aankhon se ye mumkin bhi na tha