majburi

visāl-o-hijr kī bāteñ purāne qisse haiñ

shikast-e-dil to baḌī 'aam sī kahānī hai

na.e zamāne meñ jazbātiyat se kaam na lo

vo ik zarā sī sharārat hī kyā mohabbat thī

mujhe batāo to sach-much yaqīn hai tum ko

phir aap mil na sake āḳhrī payām ke baa'd

hameñ bhī sabr sā aa hī gayā thā ro ro ke

magar jo guzrī hai dil par vo aap kyā jāneñ

sunā hai pichhle dinoñ dostoñ kī mahfil meñ

chale the aap ki tardīd-e-jurm-e-'ishq kareñ

magar jhijak se gaye kuchh hamāre naam ke baa'd

visal-o-hijr ki baaten purane qisse hain

shikast-e-dil to baDi 'am si kahani hai

nae zamane mein jazbaatiyat se kaam na lo

wo ek zara si shararat hi kya mohabbat thi

mujhe batao to sach-much yaqin hai tum ko

phir aap mil na sake aaKHri payam ke ba'd

hamein bhi sabr sa aa hi gaya tha ro ro ke

magar jo guzri hai dil par wo aap kya jaanen

suna hai pichhle dinon doston ki mahfil mein

chale the aap ki tardid-e-jurm-e-'ishq karen

magar jhijak se gaye kuchh hamare nam ke ba'd