apna izhaar

kise ḳhabar thī ki maut ke baa'd

saarī āñkheñ tamām chehre mire liye sog-vār honge

mohabbatoñ ke gaye dinoñ par nisār hoñge

na koī dushman

raqābatoñ ke buland Tīloñ se zard rusvā.iyoñ ke patthar uThā.egā

aur na koī sāthī

vafā ke lashkar se gher kar zulm kī fasīloñ meñ lā.egā

mujh ko 'ilm hotā

to aur kuchh der jism-o-jāñ se bahe lahū ko gavāh kartā

hazīmatoñ se nibāh kartā

ye chāhateñ ye ‘aqīdateñ ziist biit jaane se peshtar

apnā apnā iz.hār chāhtī haiñ

kise KHabar thi ki maut ke ba'd

sari aankhen tamam chehre mere liye sog-war honge

mohabbaton ke gaye dinon par nisar honge

na koi dushman

raqabaton ke buland Tilon se zard ruswaiyon ke patthar uThaega

aur na koi sathi

wafa ke lashkar se gher kar zulm ki fasilon mein laega

mujh ko 'ilm hota

to aur kuchh der jism-o-jaan se bahe lahu ko gawah karta

hazimaton se nibah karta

ye chahaten ye ‘aqidaten zist bit jaane se peshtar

apna apna izhaar chahti hain