nanhe paude

nanhe paudoñ pe jo chhā.e haiñ tanāvar ashjār

nanhe paudoñ kī bhī ḳhūrāk zamīñ se

ye uThā lete haiñ

aur sūraj kī kiran bhī nahīñ aane dete

kaise paude ye baḌheñ

un kī ḳhatā.eñ kyā haiñ

kyuuñ hiqārat se ye zardār

ġharīboñ pe nazar karte haiñ

maanā vo chāñd haiñ

mazdūr bhī tāroñ kī tarah raushan haiñ

yahī taare haiñ gagan kī zīnat

aur mahbūb ke āñchal pe sitāre hī nazar aate haiñ

yahī taare kahīñ ik saath agar

mil baiTheñ

raushnī in kī hasīn chāñd se baḌh saktī hai

ektā meñ bhī yahī tāqat hai

inhīñ mazdūroñ ke hāthoñ ne banā.e

haiñ hasīñ taaj mahal

mill kī chimanī se dhuāñ in kī badaulat hai ravāñ

kār-ḳhānoñ meñ pasīne kī jagah ḳhuuñ bhī bahā dete haiñ

aag aur dhuup meñ mazdūr jhulas jaatā hai

khet aur baaġh meñ in kī hī badaulat hai nikhār

garmiyoñ meñ inheñ khaliyān se fursat hai kahāñ

aur barsāt meñ khetoñ kī inheñ jaan kaheñ

saḳht sardī kī siyah raat meñ bhī

sīñchte rahte haiñ

barfīlī havāoñ meñ bhī khet

in kī mehnat kī badaulat hameñ ġhalla hai nasīb

aur dhanvān kī ḳhātir ye uThāte haiñ mahal

jhoñpaḌī bhī inheñ rahne ko mayassar hai kahāñ

vaqt badlā hai inheñ pahchāno

yahī kīchaḌ bhare tālāb khilāte haiñ kañval

nanhe paudon pe jo chhae hain tanawar ashjar

nanhe paudon ki bhi KHurak zamin se

ye uTha lete hain

aur suraj ki kiran bhi nahin aane dete

kaise paude ye baDhen

un ki KHataen kya hain

kyun hiqarat se ye zardar

gharibon pe nazar karte hain

mana wo chand hain

mazdur bhi taron ki tarah raushan hain

yahi tare hain gagan ki zinat

aur mahbub ke aanchal pe sitare hi nazar aate hain

yahi tare kahin ek sath agar

mil baiThen

raushni in ki hasin chand se baDh sakti hai

ekta mein bhi yahi taqat hai

inhin mazduron ke hathon ne banae

hain hasin taj mahal

mill ki chimani se dhuan in ki badaulat hai rawan

kar-KHanon mein pasine ki jagah KHun bhi baha dete hain

aag aur dhup mein mazdur jhulas jata hai

khet aur bagh mein in ki hi badaulat hai nikhaar

garmiyon mein inhen khaliyan se fursat hai kahan

aur barsat mein kheton ki inhen jaan kahen

saKHt sardi ki siyah raat mein bhi

sinchte rahte hain

barfili hawaon mein bhi khet

in ki mehnat ki badaulat hamein ghalla hai nasib

aur dhanwan ki KHatir ye uThate hain mahal

jhonpaDi bhi inhen rahne ko mayassar hai kahan

waqt badla hai inhen pahchano

yahi kichaD bhare talab khilate hain kanwal