waqt ki kahani

ye sāmne jo 'imārat hai bārah manzil kī

'alam buland hai jis par kisī sifārat kā

yahāñ nishāñ the kabhī lodhiyoñ kī 'azmat ke

aur us ke baa'd tasarruf meñ tuġhlaqoñ ke rahī

yūñhī badaltī ga.ī haath ye amānat thī

har aane vaale zamāne ke pāsbānoñ kī

hamārī tiflī ke ayyām bhī haiñ vaqf yahāñ

pakaḌte phirte the shamā.eñ gurguleñ guldum

kabhī kaleleñ kiyā karte the hiran kī tarah

kabhī daraḳhtoñ kī chhāoñ meñ baiThe rahte the

yūñhī bilā kisī maqsad ke be-sabab pahroñ

bharī do-pahrī ḳhunak chāñdnī thī sab ke liye

vo yaar kho ga.e girdāb-e-zīst meñ sab aaj

hamāre pahlū meñ jo baiThte the jaise sanam

ye samne jo 'imarat hai barah manzil ki

'alam buland hai jis par kisi sifarat ka

yahan nishan the kabhi lodhiyon ki 'azmat ke

aur us ke ba'd tasarruf mein tughlaqon ke rahi

yunhi badalti gai hath ye amanat thi

har aane wale zamane ke pasbanon ki

hamari tifli ke ayyam bhi hain waqf yahan

pakaDte phirte the shamaen gurgulen guldum

kabhi kalelen kiya karte the hiran ki tarah

kabhi daraKHton ki chhaon mein baiThe rahte the

yunhi bila kisi maqsad ke be-sabab pahron

bhari do-pahri KHunak chandni thi sab ke liye

wo yar kho gae girdab-e-zist mein sab aaj

hamare pahlu mein jo baiThte the jaise sanam