pahli mohabbat

muskurātī thī vo mujh ko dekh kar

bel ik angūr kī

ghar ke āñgan meñ lagī thī

mere hāthoñ meñ palī thī

jis ko maiñ ne chashma-e-ulfat kī pahlī mauj ke

pahle paanī se kiyā sairāb thā

dil meñ mere ḳhvāb thā

ḳhvāb thā merā ki ik din

ras-kashīdī kar ke maiñ ik ḳhosha-e-angūr se

jism ke bartan meñ apnī ruuh ke tishna-laboñ kī

pyaas ko maiñ bāda-e-‘aish-āfrīñ kī nazr kar duuñ

surḳhī-e-mai se laboñ ko surḳh kar luuñ

jām-e-‘ishrat se maiñ ḳhud ko mast kar luuñ

par jo dil meñ ḳhvāb thā

ḳhvāb hī vo rah gayā

koī shāḳh-e-tāk se

angūr saare le gayā

muskuraati thi wo mujh ko dekh kar

bel ek angur ki

ghar ke aangan mein lagi thi

mere hathon mein pali thi

jis ko main ne chashma-e-ulfat ki pahli mauj ke

pahle pani se kiya sairab tha

dil mein mere KHwab tha

KHwab tha mera ki ek din

ras-kashidi kar ke main ek KHosha-e-angur se

jism ke bartan mein apni ruh ke tishna-labon ki

pyas ko main baada-e-‘aish-afrin ki nazr kar dun

surKHi-e-mai se labon ko surKH kar lun

jam-e-‘ishrat se main KHud ko mast kar lun

par jo dil mein KHwab tha

KHwab hi wo rah gaya

koi shaKH-e-tak se

angur sare le gaya