ishq

mere siine kī is zarḳhez zamīñ par

kis ne apne pyaar ke biij bo.e haiñ

jis ke 'evaz

ek achchhī fasl tayyār huī hai

aur vo pāgal

apnī lahrātī huī fasl bhī

kāTnā bhuul gayā hai

bhuul gayā ki vo hai is dhartī kā mālik

bhuul gayā ki vo hai is khetī kā ḳhāliq

shāyad us ko kuchh yaad aa.e

shāyad vo phir se apne khetoñ kī jānib

hañsiyā le kar fasl kāTne

phir se aa.e

bas itnī ummīd pe ab tak

us kī khetī harī bharī hai

mere sine ki is zarKHez zamin par

kis ne apne pyar ke bij boe hain

jis ke 'ewaz

ek achchhi fasl tayyar hui hai

aur wo pagal

apni lahraati hui fasl bhi

kaTna bhul gaya hai

bhul gaya ki wo hai is dharti ka malik

bhul gaya ki wo hai is kheti ka KHaliq

shayad us ko kuchh yaad aae

shayad wo phir se apne kheton ki jaanib

hansiya le kar fasl kaTne

phir se aae

bas itni ummid pe ab tak

us ki kheti hari bhari hai