fareb-e-rang
mez par guldān hai guldān meñ kāġhaz ke phuul
phuul jin meñ rang hai āhang hai ḳhush-bū nahīñ
lekin is ke bā-vajūd
ek titlī nāchtī gaatī thiraktī jhūmtī
aa rahī hai in tahī-dāman guloñ ko chūmne
dekh ai titlī agar tū vāqa'ī majbūr apne dil se hai
tū ne in phūloñ meñ paayā hai agar kuchh dil-navāzī kā surāġh
duur hī se dekh in ko duur hī se pyaar kar
paas jā.egī to khul jā.egā in kī dil-navāzī kā bharam
aur apnī aas ko majrūh kar baiThegī tū
mez par guldan hai guldan mein kaghaz ke phul
phul jin mein rang hai aahang hai KHush-bu nahin
lekin is ke ba-wajud
ek titli nachti gati thirakti jhumti
aa rahi hai in tahi-daman gulon ko chumne
dekh ai titli agar tu waqa'i majbur apne dil se hai
tu ne in phulon mein paya hai agar kuchh dil-nawazi ka suragh
dur hi se dekh in ko dur hi se pyar kar
pas jaegi to khul jaega in ki dil-nawazi ka bharam
aur apni aas ko majruh kar baiThegi tu
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
