aah! hurmatul-ikram

bojh ġham kā zehn par ranjīda-dil āñkheñ udaas

aaj kis ko sab kī āñkheñ DhūñDtī haiñ ās-pās

kho gayā āḳhir kahāñ vo sāda-dil sāda-libās

baat yuuñ kartā thā jaise phuul se aatī ho baas

bāda-e-'ilm-o-adab kā ik anokhā jaam thā

vo saf-e-avval kā shā'ir hurmatul-ikrām thā

ik sahīfa hī na thā vo sirf mirzā-pūr kā

jo na murjhā.e vo 'ġhālib' ke chaman kā phuul thā

haa.e vo mehr-e-munavvar thā adab kā kyā huā

fikr-o-fan ke shahr meñ kaisā añdherā chhā gayā

bāda-e-'ilm-o-adab kā ik anokhā jaam thā

vo saf-e-avval kā shā'ir hurmatul-ikrām thā

fikr kī gahrā.iyoñ meñ Dūbne jā.egā kaun

qulzum-e-fan se na.e motī bhalā lā.egā kaun

‘azmat-e-fan ke liye tā-'umr ġham khā.egā kaun

shahr-e-mirzā-pūr kā ab naam phailā.egā kaun

bāda-e-'ilm-o-adab kā ik anokhā jaam thā

vo saf-e-avval kā shā'ir hurmatul-ikrām thā

us ke she'r-o-fan ne us ko kar diyā hai jāvedāñ

tā-abad raushan rahegī us ke fan kī kahkashāñ

thā samundar 'ilm kā nazm-o-ġhazal kā āsmāñ

naaz jis fankār par kartī rahī urdu zabāñ

bāda-e-'ilm-o-adab kā ik anokhā jaam thā

vo saf-e-avval kā shā'ir hurmatul-ikrām thā

jis ke naqsh-e-pā se raushan raah hotī jaa.e hai

us kā fan bazm-e-adab meñ rahnumā kahlā.e hai

vo ḳhayāloñ meñ qalam-kāroñ se kahne aa.e hai

fan kī nabzoñ meñ lahū dil kā nichoḌā jaa.e hai

bāda-e-'ilm-o-adab kā ik anokhā jaam thā

vo saf-e-avval kā shā'ir hurmatul-ikrām thā

bojh gham ka zehn par ranjida-dil aankhen udas

aaj kis ko sab ki aankhen DhunDti hain aas-pas

kho gaya aaKHir kahan wo sada-dil sada-libas

baat yun karta tha jaise phul se aati ho bas

baada-e-'ilm-o-adab ka ek anokha jam tha

wo saf-e-awwal ka sha'ir hurmatul-ikram tha

ek sahifa hi na tha wo sirf mirza-pur ka

jo na murjhae wo 'ghaalib' ke chaman ka phul tha

hae wo mehr-e-munawwar tha adab ka kya hua

fikr-o-fan ke shahr mein kaisa andhera chha gaya

baada-e-'ilm-o-adab ka ek anokha jam tha

wo saf-e-awwal ka sha'ir hurmatul-ikram tha

fikr ki gahraiyon mein Dubne jaega kaun

qulzum-e-fan se nae moti bhala laega kaun

‘azmat-e-fan ke liye ta-'umr gham khaega kaun

shahr-e-mirza-pur ka ab nam phailaega kaun

baada-e-'ilm-o-adab ka ek anokha jam tha

wo saf-e-awwal ka sha'ir hurmatul-ikram tha

us ke she'r-o-fan ne us ko kar diya hai jawedan

ta-abad raushan rahegi us ke fan ki kahkashan

tha samundar 'ilm ka nazm-o-ghazal ka aasman

naz jis fankar par karti rahi urdu zaban

baada-e-'ilm-o-adab ka ek anokha jam tha

wo saf-e-awwal ka sha'ir hurmatul-ikram tha

jis ke naqsh-e-pa se raushan rah hoti jae hai

us ka fan bazm-e-adab mein rahnuma kahlae hai

wo KHayalon mein qalam-karon se kahne aae hai

fan ki nabzon mein lahu dil ka nichoDa jae hai

baada-e-'ilm-o-adab ka ek anokha jam tha

wo saf-e-awwal ka sha'ir hurmatul-ikram tha