maut

koī batlā.e ki sab ke ḳhudā ne

jo akbar hai

jo bartar hai

jo 'ādil hai

vo jis ke ghar meñ ab bhī

reshmī insāf ke parde paḌe haiñ

jo ḳhāliq hai sabhī kā

vo jis ke aage har maḳhlūq

apnā sar jhukātī hai

vo jis ne banā.ī hai ye duniyā

sajā.e haiñ ye taare

vo jis ne chāñd ko raushan kiyā hai

vo jis ne chāñd ko raushan kiyā hai

vo jis ne raushnī sūraj ko dī hai

usī ne maut jo bar-haq hai

us ko is qadar

mazbūt is qadar

mazbūt panje kyuuñ diye haiñ

koī batlā.e mujh ko

koi batlae ki sab ke KHuda ne

jo akbar hai

jo bartar hai

jo 'adil hai

wo jis ke ghar mein ab bhi

reshmi insaf ke parde paDe hain

jo KHaliq hai sabhi ka

wo jis ke aage har maKHluq

apna sar jhukati hai

wo jis ne banai hai ye duniya

sajae hain ye tare

wo jis ne chand ko raushan kiya hai

wo jis ne chand ko raushan kiya hai

wo jis ne raushni suraj ko di hai

usi ne maut jo bar-haq hai

us ko is qadar

mazbut is qadar

mazbut panje kyun diye hain

koi batlae mujh ko