kashmakash

zindagī aaj bhī ik mas.ala hai

na taḳhayyul

na haqīqat

na fareb-e-rañgīñ

giit qurbān kiye

shola-e-dil nazr

naġhma-e-ḳhvāb diye

phir bhī ye mas.ala

giit mausam kā

hasīñ jism kā

ḳhvāboñ kā jise

maiñ ne aur mere ham-asroñ ne gaayā thā use

zindagī suntī nahīñ

sun ke bhī hañs detī hai

aag

jazbāt kī aag

dil-nashīñ

shabnamīñ

ma.asūm ḳhayālāt kī aag

apne qasbe kī kisī dard bharī raat kī aag

zindagī aaj bhī har aag pe hañs detī hai

kaun jaane ki mirī tarah ho marġhūb ise

dard-e-dil nashsha-e-mai

zindagī aaj bhī ik mas.ala hai

aur ise hal honā hai

maiñ agar naza.a meñ huuñ

hal to ise honā hai

dil ye kahtā hai ki le jaa.e jahāñ raat chalo

aur science ye kahtī hai, mire saath chalo

zindagi aaj bhi ek masala hai

na taKHayyul

na haqiqat

na fareb-e-rangin

git qurban kiye

shola-e-dil nazr

naghma-e-KHwab diye

phir bhi ye masala

git mausam ka

hasin jism ka

KHwabon ka jise

main ne aur mere ham-asron ne gaya tha use

zindagi sunti nahin

sun ke bhi hans deti hai

aag

jazbaat ki aag

dil-nashin

shabnamin

masum KHayalat ki aag

apne qasbe ki kisi dard bhari raat ki aag

zindagi aaj bhi har aag pe hans deti hai

kaun jaane ki meri tarah ho marghub ise

dard-e-dil nashsha-e-mai

zindagi aaj bhi ek masala hai

aur ise hal hona hai

main agar naza mein hun

hal to ise hona hai

dil ye kahta hai ki le jae jahan raat chalo

aur science ye kahti hai, mere sath chalo