cloning

zamāna 'adālat nahīñ hai

magar

ik muqadma 'adālat meñ sadiyoñ se zer-e-samā'at hai zer-e-samā'at rahegā

kaTahre meñ insāf kī muntazir laḌkiyāñ

kaise puurī gavāhī ḳharīdeñgī make-up kī qīmat to

pahle hī itnī ziyāda hai fashion badalne meñ hafta bhī lagtā nahīñ

aur

policiyāñ un ḳhavātīn kī to badaltī nahīñ

jin se mardoñ kī tāqat ko ḳhatra hī rahtā hai

mahngī davāoñ ke zer-e-asar phobia dev 'aurat kā fāteh

adhūrī aziyyat uThā.e

pashemāniyoñ ke safar se har ik vāpsī par na.ī kāmrānī ke muzhde sunātā rahā hai

na.e qaid-ḳhāne banātā rahā hai

sunā hai ki ab us ne saarī pashemāniyoñ se nikalne kī vo rah nikālī hai jis par use merī koī zarūrat na hogī

vo apne hī ik cell se apnī tarah kā koī aur aadam banā legā

zer-e-samā'at rahegā muqadma agarche zamāna 'adālat nahīñ hai

zamana 'adalat nahin hai

magar

ek muqadma 'adalat mein sadiyon se zer-e-sama'at hai zer-e-sama'at rahega

kaTahre mein insaf ki muntazir laDkiyan

kaise puri gawahi KHaridengi make-up ki qimat to

pahle hi itni ziyaada hai fashion badalne mein hafta bhi lagta nahin

aur

policiyan un KHawatin ki to badalti nahin

jin se mardon ki taqat ko KHatra hi rahta hai

mahngi dawaon ke zer-e-asar phobia dew 'aurat ka fateh

adhuri aziyyat uThae

pashemaniyon ke safar se har ek wapsi par nai kaamrani ke muzhde sunata raha hai

nae qaid-KHane banata raha hai

suna hai ki ab us ne sari pashemaniyon se nikalne ki wo rah nikali hai jis par use meri koi zarurat na hogi

wo apne hi ek cell se apni tarah ka koi aur aadam bana lega

zer-e-sama'at rahega muqadma agarche zamana 'adalat nahin hai