chalo usko DhunDen

abhī vaqt hai jāgne kā

abhī 'umr qaa.em hai aur zehn

aur jism bhī saath deñge

magar baa'd meñ to faqat niiñd aur niiñd hogī

abhī vaqt hai sochne kā

libās aur chehre kā parda uThāne

use dekhne kā

use jo kabhī ghar ke andar thā

hāzir thā ab gahre paanī ke uupar

jhuke bādaloñ se pare duur aur duur gum hai

nigāhoñ ke aage tanī raushnī

aur añdhere kā saaya uThā kar

gire zard pattoñ se taptī huī dhuup

aur phaile paanī se jamtī huī bhaap

aur andhī āñdhī se jaltī huī aag

tak DhūñDne kā

kisī ne pahāḌī pe aur dūsre ne

kahīñ ġhaar meñ us ko dekhā

kabhī vo hamāre diloñ meñ thā

phir log kahte haiñ zehnoñ meñ aayā

har ik soch meñ dhund ban kar samāyā

magar ab kahāñ hai

chalo niil dajla

chalo ūñche ūñche pahāḌoñ

chalo bādaloñ pāniyoñ meñ jhukeñ

us ko DhūñDeñ

abhī 'umr qaa.em hai aur apne chehroñ

ke parde uThāne kā yaarā bhī hai

baa'd meñ kaun jaane kise itnī fursat ho

aur niiñd se kaun jaage

abhi waqt hai jagne ka

abhi 'umr qaem hai aur zehn

aur jism bhi sath denge

magar ba'd mein to faqat nind aur nind hogi

abhi waqt hai sochne ka

libas aur chehre ka parda uThane

use dekhne ka

use jo kabhi ghar ke andar tha

hazir tha ab gahre pani ke upar

jhuke baadalon se pare dur aur dur gum hai

nigahon ke aage tani raushni

aur andhere ka saya uTha kar

gire zard patton se tapti hui dhup

aur phaile pani se jamti hui bhap

aur andhi aandhi se jalti hui aag

tak DhunDne ka

kisi ne pahaDi pe aur dusre ne

kahin ghaar mein us ko dekha

kabhi wo hamare dilon mein tha

phir log kahte hain zehnon mein aaya

har ek soch mein dhund ban kar samaya

magar ab kahan hai

chalo nil dajla

chalo unche unche pahaDon

chalo baadalon paniyon mein jhuken

us ko DhunDen

abhi 'umr qaem hai aur apne chehron

ke parde uThane ka yara bhi hai

ba'd mein kaun jaane kise itni fursat ho

aur nind se kaun jage