KHushbu ka safar

chhoḌ paimān-e-vafā kī baat sharminda na kar

dūriyāñ majbūriyāñ rusvā.iyāñ tanhā.iyāñ

koī qātil koī bismil siskiyāñ shahnā.iyāñ

dekh ye hañstā huā mausam hai mauzū'-e-nazar

vaqt kī rau meñ abhī sāhil abhī mauj-e-fanā

ek jhoñkā ek āñdhī ik kiran ik jū-e-ḳhūñ

phir vahī sahrā kā sannāTā vahī marg-e-junūñ

haath hāthoñ kā asāsa haath hāthoñ se judā

jab kabhī aa.egā ham par bhī judā.ī kā samāñ

TuuT jā.egā mire dil meñ kisī ḳhvāhish kā tiir

phail jā.egī tirī āñkhoñ meñ kājal kī lakīr

aur paimān-e-vafā jaise añdheroñ meñ dhuāñ

kal ke andeshoñ se apne dil ko āzurda na kar

dekh ye hañstā huā mausam ye ḳhushbū kā safar

chhoD paiman-e-wafa ki baat sharminda na kar

duriyan majburiyan ruswaiyan tanhaiyan

koi qatil koi bismil siskiyan shahnaiyan

dekh ye hansta hua mausam hai mauzu'-e-nazar

waqt ki rau mein abhi sahil abhi mauj-e-fana

ek jhonka ek aandhi ek kiran ek ju-e-KHun

phir wahi sahra ka sannaTa wahi marg-e-junun

hath hathon ka asasa hath hathon se juda

jab kabhi aaega hum par bhi judai ka saman

TuT jaega mere dil mein kisi KHwahish ka tir

phail jaegi teri aankhon mein kajal ki lakir

aur paiman-e-wafa jaise andheron mein dhuan

kal ke andeshon se apne dil ko aazurda na kar

dekh ye hansta hua mausam ye KHushbu ka safar