chalo ab rasta tabdil kar ke dekh lete hain
tumheñ bhī fursateñ kam haiñ
mujhe bhī kaam haiñ thoḌe
mirā tum par
tumhārā mujh pe
jo baaqī hai
vo baaqī hī rahne do
ki mujh ko jo diyā tum ne
vo lauTānā to nā-mumkin hai
dohrānā bhī mushkil hai
mujhe jo kuchh milā hai
un meñ mujh ko
sab se pyārī hai
ye ḳhush-fahmī
ki tum mere ho bas mere
ye ḳhush-fahmī
ġhalat-fahmī meñ Dhal jaane se
pahle hī
tumhārī aañkh ke tevar badal jaane se
pahle hī
mujhe vo kaam yaad aane lage haiñ
tumhārī qurbatoñ ke vāste jo
maiñ ab tak Tāltā aayā huuñ kal par
tumhein bhi fursaten kam hain
mujhe bhi kaam hain thoDe
mera tum par
tumhaara mujh pe
jo baqi hai
wo baqi hi rahne do
ki mujh ko jo diya tum ne
wo lauTana to na-mumkin hai
dohrana bhi mushkil hai
mujhe jo kuchh mila hai
un mein mujh ko
sab se pyari hai
ye KHush-fahmi
ki tum mere ho bas mere
ye KHush-fahmi
ghalat-fahmi mein Dhal jaane se
pahle hi
tumhaari aankh ke tewar badal jaane se
pahle hi
mujhe wo kaam yaad aane lage hain
tumhaari qurbaton ke waste jo
main ab tak Talta aaya hun kal par
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
