yaad
duur ek vaadī meñ
ek laḌkī rahtī thī
khilkhilā ke hañstī thī
muñh chhupā ke rotī thī
ḳhvāb buntī rahtī thī
'aks ke sadāoñ ke
raah dekhtī thī vo
ek shāhzāde kā
us ko saath le jaa.e
ḳhvāb ke jazīre par
ḳhushbūoñ kī vaadī meñ
muskurātī āñkhoñ meñ an-kahe fasāne the
kitne an-kahe jazbe
kitnī an-kahī bāteñ
us ke dil meñ larzāñ thiiñ
vo hasīñ pahelī sī
jaane ab kahāñ hogī
ḳhvāb bun rahī hogī
thak ke so ga.ī hogī
raah tak rahī hogī
chhup ke ro rahī hogī
kyā ḳhabar kahāñ hogī
dur ek wadi mein
ek laDki rahti thi
khilkhila ke hansti thi
munh chhupa ke roti thi
KHwab bunti rahti thi
'aks ke sadaon ke
rah dekhti thi wo
ek shahzade ka
us ko sath le jae
KHwab ke jazire par
KHushbuon ki wadi mein
muskuraati aankhon mein an-kahe fasane the
kitne an-kahe jazbe
kitni an-kahi baaten
us ke dil mein larzan thin
wo hasin paheli si
jaane ab kahan hogi
KHwab bun rahi hogi
thak ke so gai hogi
rah tak rahi hogi
chhup ke ro rahi hogi
kya KHabar kahan hogi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
