Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

taKHliq

Jameel Malik

taKHliq

Jameel Malik

MORE BYJameel Malik

    ye kyā mo'jiza hai

    ki sūkhī huī ḳhushk be-jān koñpal harī ho ga.ī hai

    subuk pattiyāñ gungunāne lagī haiñ

    bahāroñ kā paiġhām laane lagī haiñ

    ye kyā dekhtā huuñ

    tumhārī jabīñ ke 'ufuq par

    shu'ā'oñ kā mela hai fardā kā sūraj nikalne lagā hai

    tumhārī nigāhoñ meñ nā-dīda jugnū chamakne lage haiñ

    ye kaisā fusūñ hai

    tumhāre dil-o-jāñ meñ merā junūñ hai

    tumhārī rag-o-pai meñ merī mohabbat kā laavā thirakne lagā hai

    tumhāre lahū kī har ik buuñd meñ ek mā'sūm jazba humakne lagā hai

    tumhāre mahakte hue surḳh hoñToñ pe mahbūs panchhī chahakne lagā hai

    mujhe aisā mahsūs hotā hai jaise

    bahār aa.ī hai gulsitāñ jal rahā hai

    tumhāre sarāpā meñ ik paikar-e-rang-o-bū Dhal rahā hai

    ye kyā baat hai

    dekhte dekhte kyā se kyā ho ga.ī ho

    ye kis lazzat-e-karb se āshnā ho ga.ī ho

    ki merī nazar meñ ḳhudā ho ga.ī ho

    ye kya mo'jiza hai

    ki sukhi hui KHushk be-jaan konpal hari ho gai hai

    subuk pattiyan gungunane lagi hain

    bahaaron ka paigham lane lagi hain

    ye kya dekhta hun

    tumhaari jabin ke 'ufuq par

    shu'a'on ka mela hai farda ka suraj nikalne laga hai

    tumhaari nigahon mein na-dida jugnu chamakne lage hain

    ye kaisa fusun hai

    tumhaare dil-o-jaan mein mera junun hai

    tumhaari rag-o-pai mein meri mohabbat ka lawa thirakne laga hai

    tumhaare lahu ki har ek bund mein ek ma'sum jazba humakne laga hai

    tumhaare mahakte hue surKH honTon pe mahbus panchhi chahakne laga hai

    mujhe aisa mahsus hota hai jaise

    bahaar aai hai gulsitan jal raha hai

    tumhaare sarapa mein ek paikar-e-rang-o-bu Dhal raha hai

    ye kya baat hai

    dekhte dekhte kya se kya ho gai ho

    ye kis lazzat-e-karb se aashna ho gai ho

    ki meri nazar mein KHuda ho gai ho

    Source :

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now