mehr-e-nau

nigār-e-sub.h ke bīmār donoñ

shab-e-āḳhir bhī roz-e-mehr-e-nau bhī

sitāre yuuñ bhī jal bujhne ke qaa.il

shab-e-āḳhir meñ chashm-e-nīm-vā haiñ

shab-e-āḳhir siyāhī se gurezāñ

sitāre bhī siyāhī se ḳhafā haiñ

nigār-e-sub.h se vāraftagī sī

baḌhī to raat ne sab kuchh luTāyā

sitāre bech Daale nuur bechā

shab-e-āfāt ne sab kuchh luTāyā

nigār-e-sub.h kī chāhat navelī

shab-e-āḳhir se mil kar bhī judā hai

sahar ke zer-e-bālīñ mehr-e-nau hai

tulū'-e-mehr se mahshar bapā hai

shab-e-āḳhir raqīb-e-raushnī hai

shab-e-āḳhir se din kī dushmanī hai

nigar-e-subh ke bimar donon

shab-e-aKHir bhi roz-e-mehr-e-nau bhi

sitare yun bhi jal bujhne ke qail

shab-e-aKHir mein chashm-e-nim-wa hain

shab-e-aKHir siyahi se gurezan

sitare bhi siyahi se KHafa hain

nigar-e-subh se waraftagi si

baDhi to raat ne sab kuchh luTaya

sitare bech Dale nur becha

shab-e-afat ne sab kuchh luTaya

nigar-e-subh ki chahat naweli

shab-e-aKHir se mil kar bhi juda hai

sahar ke zer-e-baalin mehr-e-nau hai

tulu'-e-mehr se mahshar bapa hai

shab-e-aKHir raqib-e-raushni hai

shab-e-aKHir se din ki dushmani hai