adhure safar mein sukh ka sans

aur ham sochte the

chāñd aur peḌ meñ do haath kā hī fāsla hai

chāñd aur peḌ bhī ḳhvāb-gah-e-vaqt meñ haiñ

tum ne ab tak mire hāthoñ pe qasam khaa.ī nahīñ

fāsla aur baḌhegā to ujāle kā 'ufuq

peḌ kī shāḳh se kaT jā.egā

aur kahne ko to bāteñ haiñ hazāroñ bāteñ

baat se baat nikaltī hī chalī jaatī hai

baat jis kā koī mafhūm nahīñ hotā hai

chāñd aur peḌ kī parkār kabhī ruktī nahīñ

aur hum sochte the

chand aur peD mein do hath ka hi fasla hai

chand aur peD bhi KHwab-gah-e-waqt mein hain

tum ne ab tak mere hathon pe qasam khai nahin

fasla aur baDhega to ujale ka 'ufuq

peD ki shaKH se kaT jaega

aur kahne ko to baaten hain hazaron baaten

baat se baat nikalti hi chali jati hai

baat jis ka koi mafhum nahin hota hai

chand aur peD ki parkar kabhi rukti nahin