beTi ke liye ek nazm
chāñd ke paas ik sitārā hai
vo jo taarā hai merī āñkhoñ kā
aur rahtā hai mere siine meñ
us kī āñkhoñ meñ ek jhurmaT hai
jhilmilāte hue sitāroñ kā
vo sarāpā jo kahkashāñ sā hai
us kī mā'sūm muskurāhaT se
kitne taare fazā meñ chalte haiñ
mere ghar ke udaas āñgan meñ
chāñdnī ke charāġh jalte haiñ
chand ke pas ek sitara hai
wo jo tara hai meri aankhon ka
aur rahta hai mere sine mein
us ki aankhon mein ek jhurmaT hai
jhilmilate hue sitaron ka
wo sarapa jo kahkashan sa hai
us ki ma'sum muskurahaT se
kitne tare faza mein chalte hain
mere ghar ke udas aangan mein
chandni ke charagh jalte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
