dosti

dostī raat meñ ujālā hai

dost āñkhoñ kā nuur hotā hai dostī be-ġharaz mohabbat hai

jab bhī tanhā.ī shab meñ Dastī hai

dost kī yaad ḳhuub aatī hai

dil kī har baat dost se kiije

dostī meñ sukūn hai dil kā

dost sarmāya-e-hayāt bhī hai dil se hotā nahīñ kabhī vo judā

jaise ḳhushbū guloñ ke saath rahe

jaise paanī meñ muskurā.e kañval

dost do jism to alaihada haiñ

dil dhaḌaktā hai ek saath magar

un kā milnā

sukūñ kā bā'is hai

aaj lekin vo dostī hai kahāñ

'aish-o-'ishrat meñ sab haiñ dost magar

muflisī meñ kahāñ hai dost koī

sham' jaltī hai

jab to parvāne us ke nazdīk uḌte rahte haiñ

aur jaañ bhī nisār karte haiñ

sham' bujhtī hai jis ghaḌī yaaro

paas aate nahīñ haiñ parvāne

dosti raat mein ujala hai

dost aankhon ka nur hota hai dosti be-gharaz mohabbat hai

jab bhi tanhai shab mein Dasti hai

dost ki yaad KHub aati hai

dil ki har baat dost se kije

dosti mein sukun hai dil ka

dost sarmaya-e-hayat bhi hai dil se hota nahin kabhi wo juda

jaise KHushbu gulon ke sath rahe

jaise pani mein muskurae kanwal

dost do jism to alaihada hain

dil dhaDakta hai ek sath magar

un ka milna

sukun ka ba'is hai

aaj lekin wo dosti hai kahan

'aish-o-'ishrat mein sab hain dost magar

muflisi mein kahan hai dost koi

sham' jalti hai

jab to parwane us ke nazdik uDte rahte hain

aur jaan bhi nisar karte hain

sham' bujhti hai jis ghaDi yaro

pas aate nahin hain parwane