nilam

tum meñ vo kaun hai jo yūsuf-e-kan'āñ ke liye āḳhrī bolī degā

sab ġhulām ek se hote to ye nīlām bhalā kis liye barpā hotā

aur ye yūsuf-e-kan'āñ to hai sūrat-gar-e-kaunain kā me'yār-e-jamāl

dāman-o-jeb ko tum sīm-o-zar-o-lā'l-o-javāhar se to bhar laa.e ho

vo magar aur hī daulat hai jo darkār hai yūsuf ke ḳharīdāroñ ko

tum use kuchh bhī kaho suut kī anTī ki tahī-dast mohabbat kā malāl

tum mein wo kaun hai jo yusuf-e-kan'an ke liye aaKHri boli dega

sab ghulam ek se hote to ye nilam bhala kis liye barpa hota

aur ye yusuf-e-kan'an to hai surat-gar-e-kaunain ka me'yar-e-jamal

daman-o-jeb ko tum sim-o-zar-o-la'l-o-jawahar se to bhar lae ho

wo magar aur hi daulat hai jo darkar hai yusuf ke KHaridaron ko

tum use kuchh bhi kaho sut ki anTi ki tahi-dast mohabbat ka malal