منفرد نقاد شمس الرحمن فاروقی

ذوق کے فن پر بھی لکھا میرؔ کا رسیا ہے وہ

سر زمین شبلی و مجنوں کا باشندہ ہے وہ

ان دنوں اکبر کی نگری میں چلا آیا ہے وہ

ناقدوں میں منفرد اردو کا سرمایہ ہے وہ

غالبؔ و مومنؔ کے فن پر جب گئی اس کی نظر

دور نو بھی خوش ہوا اور خوش ہوئے اہل ہنر

خامہ و قرطاس کی دنیا میں وہ روشن ہے آج

وہ خزاں کے دور میں اردو کا اک گلشن ہے آج

اہل فن کے رخ کی خاطر دل نشیں درپن ہے آج

عالمی شہرت کا مالک علم کا مدھوبن ہے آج

حق کی خاطر جھیلتا ہے تلخیاں ایام کی

اور ادب کی بزم میں کرتا ہے باتیں کام کی

جب ایس ایس پی ہو کے مرزا پور آتا تھا کبھی

گفتگو حرمت سے کرتا تھا ادب کی قیمتی

فکر ہے جس کی علیحدہ اور قلم کا ہے دھنی

خدمت اردو کی خاطر وقف کر دی زندگی

ہے اجالا چپے چپے میں ادب کے مون کا

چیف پی ایم جی بھی تھا وہ پاسباں شب خون کا