munfarid naqqad shams-ur-rahman faruqi

zauq ke fan par bhī likkhā 'mīr' kā rasiyā hai vo

sar-zamīn-e-shiblī-o-majnūñ kā bāshinda hai vo

in dinoñ akbar kī nagrī meñ chalā aayā hai vo

nāqidoñ meñ munfarid urdu kā sarmāya hai vo

'ġhālib'-o-'momin' ke fan par jab ga.ī us kī nazar

daur-e-nau bhī ḳhush huā aur ḳhush hue ahl-e-hunar

ḳhāma-o-qirtās kī duniyā meñ vo raushan hai aaj

vo ḳhizāñ ke daur meñ urdu kā ik gulshan hai aaj

ahl-e-fan ke ruḳh kī ḳhātir dil-nashīñ darpan hai aaj

'ālamī shohrat kā mālik 'ilm kā madhuban hai aaj

haq kī ḳhātir jheltā hai talḳhiyāñ ayyām kī

aur adab kī bazm meñ kartā hai bāteñ kaam kī

jab s s pī ho ke mirzā-pūr aatā thā kabhī

guftugū hurmat se kartā thā adab kī qīmtī

fikr hai jis kī alaihada aur qalam kā hai dhanī

ḳhidmat-e-urdu kī ḳhātir vaqf kar dī zindagī

hai ujālā chappe chappe meñ adab ke moon kā

chief PMġh bhī thā vo pāsbāñ shab-ḳhūn kā

zauq ke fan par bhi likkha 'mir' ka rasiya hai wo

sar-zamin-e-shibli-o-majnun ka bashinda hai wo

in dinon akbar ki nagri mein chala aaya hai wo

naqidon mein munfarid urdu ka sarmaya hai wo

'ghaalib'-o-'momin' ke fan par jab gai us ki nazar

daur-e-nau bhi KHush hua aur KHush hue ahl-e-hunar

KHama-o-qirtas ki duniya mein wo raushan hai aaj

wo KHizan ke daur mein urdu ka ek gulshan hai aaj

ahl-e-fan ke ruKH ki KHatir dil-nashin darpan hai aaj

'alami shohrat ka malik 'ilm ka madhuban hai aaj

haq ki KHatir jhelta hai talKHiyan ayyam ki

aur adab ki bazm mein karta hai baaten kaam ki

jab s s pi ho ke mirza-pur aata tha kabhi

guftugu hurmat se karta tha adab ki qimti

fikr hai jis ki alaihada aur qalam ka hai dhani

KHidmat-e-urdu ki KHatir waqf kar di zindagi

hai ujala chappe chappe mein adab ke moon ka

chief PMgh bhi tha wo pasban shab-KHun ka