wardat

sāmne khul ke aa.iye chhū ke guzar na jā.iye

baat vahī jo ho ga.ī fasl vahī jo pak ga.ī

chāñd badan churā.īye riit magar nibhā.iye

taḳhta-e-shab pe har kalī phuul banī chaTak ga.ī

'aks meñ 'aks ghul gaye aañkh kiran bhaTak ga.ī

pyaar pe ruup kī bhaḌak ruup pe rang aa gayā

jism bikhar bikhar gayā ruuh mahak mahak ga.ī

haath meñ haath aa gayā hijr pe qurb chhā gayā

ang meñ ang lab meñ lab laakh diye jalā gayā

taan dukhoñ ke raag kī aah se aah tak na thī

lafz khulā to zulf thā harf hayāt pā gayā

shuuk ġhamoñ ke naag kī farsh-e-giyāh tak na thī

baat kuchh aur thī magar baat kuchh aur ho ga.ī

raat bas ek raat meñ phail ke duur ho ga.ī

samne khul ke aaiye chhu ke guzar na jaiye

baat wahi jo ho gai fasl wahi jo pak gai

chand badan churaiye rit magar nibhaiye

taKHta-e-shab pe har kali phul bani chaTak gai

'aks mein 'aks ghul gaye aankh kiran bhaTak gai

pyar pe rup ki bhaDak rup pe rang aa gaya

jism bikhar bikhar gaya ruh mahak mahak gai

hath mein hath aa gaya hijr pe qurb chha gaya

ang mein ang lab mein lab lakh diye jala gaya

tan dukhon ke rag ki aah se aah tak na thi

lafz khula to zulf tha harf hayat pa gaya

shuk ghamon ke nag ki farsh-e-giyah tak na thi

baat kuchh aur thi magar baat kuchh aur ho gai

raat bas ek raat mein phail ke dur ho gai