Ideology
dhaḌkanoñ ke us jānib
jugnuoñ ke jangal meñ
par-fishāñ haiñ muddat se
jaltī bujhtī āvāzeñ
ek bhī sadā lekin
vo sadā nahīñ jis se
zindagī ke dāman par
koī harf-e-raḳhshanda
chāñd ban ke jam jaa.e
nā-gahāñ uThā kohrām
jugnuoñ ke jangal meñ
kaañp kaañp uThe lamhe
jaane kis kī aahaT se
jaane kyuuñ ye ghabrā kar
jaltī bujhtī āvāzeñ
chīḳhtī ḳhamoshī kā
le ke haath meñ ḳhanjar
ḳhud-kushī pe maa.il haiñ
duur 'ufuq pe lahrāyā
ek dūdhiyā saayā
baT gayā hai dhabboñ meñ
tīrgī kā pairāya
duur duur tak ab to
mustaqil ujālā hai
ab kisī bhī dhabbe meñ
tīrgī ke jaadū se
jaan paḌ nahīñ saktī
dhaDkanon ke us jaanib
jugnuon ke jangal mein
par-fishan hain muddat se
jalti bujhti aawazen
ek bhi sada lekin
wo sada nahin jis se
zindagi ke daman par
koi harf-e-raKHshanda
chand ban ke jam jae
na-gahan uTha kohram
jugnuon ke jangal mein
kanp kanp uThe lamhe
jaane kis ki aahaT se
jaane kyun ye ghabra kar
jalti bujhti aawazen
chiKHti KHamoshi ka
le ke hath mein KHanjar
KHud-kushi pe mail hain
dur 'ufuq pe lahraya
ek dudhiya saya
baT gaya hai dhabbon mein
tirgi ka pairaya
dur dur tak ab to
mustaqil ujala hai
ab kisi bhi dhabbe mein
tirgi ke jadu se
jaan paD nahin sakti
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
